14 жніўня 2022 г. — 75 гадоў з дня нараджэння Уладзіміра Іванавіча Сухарава (1947), грамадскага дзеяча, Ганаровага грамадзяніна Кобрынскага раёна
Уладзімір Іванавіч Сухараў нарадзіўся 14 жніўня 1947 г. у Маскве. Закончыў Маскоўскі юрыдычны інстытут. Прайшоў тэрміновую службу ў Савецкай арміі. З 1971 г. па 1975 г. працаваў у Чаромушкінскім райкаме камсамола г. Масквы. З 1975 г. па 1979 г. — старшыня Чаромушкінскага раённага камітэта ДТСААФ г. Масквы.
10 чэрвеня 2022 г. — 60 гадоў з дня нараджэння Аляксандра Анатольевіча Мяшкова (1962), гаспадарчага дзеяча, спартыўнага арганізатара, Ганаровага грамадзяніна г. Брэста (2022)
Аляксандр Анатольевіч Мяшкоў нарадзіўся 10 чэрвеня 1962 г. у г. Брэсце. Бацька, Анатоль Пятровіч Мяшкоў (1937–1994), — выкладчык кафедры фізвыхавання Брэсцкага дзяржаўнага педагагічнага інстытута імя А. С. Пушкіна, арганізатар і трэнер гандбольнай каманды, заслужаны трэнер Рэспублікі Беларусь (1993). Аляксандр у дзяцінстве займаўся футболам і гандболам, старшакласнікам выступаў за гандбольную каманду «Педуніверсітэт» на першынстве ВНУ рэспублікі.
10 чэрвеня 2022 г. — 65 гадоў з дня нараджэння Пятра Сяргеевіча Папроцкага (1957), Ганаровага грамадзяніна Кобрынскага раёна (2020)
Пётр Сяргеевіч Папроцкі нарадзіўся 10 чэрвеня 1957 г. у в. Мазуры Кобрынскага раёна Брэсцкай вобласці ў сялянскай сям’і. Вучыўся ў мясцовай пачатковай, у Дзямідаўшчынскай васьмігадовай, Шамятоўскай сярэдняй школах.
28 сакавіка 2022 г. — 100 гадоў з дня нараджэння Аляксея Трафiмавiча Каўко (1922–2012), пісьменніка, журналіста, заслужанага дзеяча культуры БССР
Аляксей Трафімавіч Каўко нарадзіўся 28 сакавіка 1922 г. у в. Міраслаўка Бярэзінскага раёна Мінскай вобласці. У дзяцiнстве было шмат трагiчнага: пераезд у Сiбiр, смерць брацiка, вяртанне нi з чым у родную Мiраслаўку, у дзедаву хату; горкая доля падпаска ў злога пастуха. Скончыўшы Сялiбскую сямiгодку, адправiўся на вучобу ў райцэнтр Беразiно, з аднакласнiкам наймаў кватэру на ўскраiне. Закончыў 10 класаў у 1941 г.
27 ліпеня 2022 г. — 75 гадоў з дня нараджэння Канстанціна Георгіевіча Шэлепеня (1947–2010), урача-анколага, Ганаровага грамадзяніна г. Брэста (2016)
Канстанцін Георгіевіч Шэлепень нарадзіўся 28 ліпеня 1947 г. у г. Баранавічы. Закончыў Мінскі дзяржаўны медыцынскі інстытут (1971). У 1972–1974 гг. праходзіў службу ў Савецкай арміі. З 1974 г. працаваў урачом-ардынатарам, загадчыкам аддзялення Баранавіцкага анкалагічнага дыспансера. За ўкараненне новых методык лячэння быў удастоены прэміі Савета Міністраў СССР (1982).
20 мая 2022 г. — 95 гадоў з дня нараджэння Надзеі Іванаўны Кавалец (1927–2020), педагога, Героя Сацыялістычнай Працы (1978)
Надзея Іванаўна Кавалец (Белка) нарадзілася 20 мая 1927 г. у в. Хільчыцы Тураўскага раёна Мазырскай акругі (цяпер Жыткавіцкага раёна Гомельскай вобласці) у беднай сялянскай сям’і. Рана засталася без бацькі, Івана Аляксеевіча Белкі, які быў старшынёй калгаса. У студзені 1938 г. яго арыштавалі, абвінавацілі ў шпіянажы і расстралялі ў чэрвені таго ж года (пра гэта даведаліся толькі ў 1965 г. пасля рэабілітацыі). Маці была зусім непісьменнай, а Надзея ў 1941 г. закончыла мясцовую семігодку.
26 студзеня 2022 г. — 115 гадоў з дня нараджэння Яфрэма Аўрамавіча Александрава (1907–1987), удзельніка Вялікай Айчыннай вайны, Ганаровага грамадзяніна г. Іванава (1974)
Яфрэм Аўрамавіч Аляксандраў нарадзіўся 26 студзеня 1907 г. у вёсцы Гіжэнка Слаўгародскага раёна Магілёўскай вобласці у сялянскай сям’і. З дзяцінства працаваў на сельскай гаспадарцы бацькоў, вучыўся ў школе. З красавіка 1926 г. па ліпень 1927 г. — загадчык паштовага агенцтва ў в. Гіжэнка. Са жніўня 1927 г. па верасень 1929 г. працаваў кацельшчыкам-зборшчыкам на металургічным заводзе імя Дзяржынскага ў г. Днепрадзяржынск Днепрапятроўскай вобласці.
18 сакавіка 2022 г. — 125 гадоў з дня нараджэння Фёдара Якаўлевіча Дзенісевіча (1897–1981), удзельніка Першай сусветнай, Грамадзянскай і Вялікай Айчыннай войнаў, Ганаровага грамадзяніна г. Пінска
Фёдар Якаўлевіч Дзенісевіч нарадзіўся 18 сакавіка 1897 г. у вёсцы Падарэссе Бабруйскага павета (цяпер Старадарожскага раёна Мінскай вобласці) у сям’і чорнарабочага. Пасля заканчэння сельскай школы працаваў па найму на чыгунцы, потым на лесапілцы. У 1916 г. быў прызваны ў войска. Удзельнічаў у баявых аперацыях у арміі генерала Брусілава на Паўднёва-Заходнім фронце. Быў паранены.
17 красавіка 2022 г. — 110 гадоў з дня нараджэння Івана Фёдаравіча Мілаяніна (1912–1994), удзельніка Вялікай Айчыннай вайны, ганаровага грамадзяніна г. Кобрына
Іван ФёдаравічМілаянін нарадзіўся 17 красавіка 1912 г. у в. Васільеўка Палтаўскай вобласці (Украіна) ў сям’і селяніна-бедняка. Рана застаўся сіратою: бацьку забілі бандыты, а маці памерла, калі хлопчыку было 11 гадоў. З 1922 г. Іван выхоўваўся ў дзіцячых дамах.
10 кастрычніка 2021 г. — 95 гадоў з дня нараджэння Сяргея Аляксандравіча Ражкаўца (1926–2014), удзельніка Вялікай Айчыннай вайны, ганаровага грамадзяніна Іванаўскага раёна (2012)
Сяргей Аляксандравіч Ражкавец нарадзіўся 10 кастрычніка 1926 г. у в. Вулька-Махроўская Кобрынскага павета Гродзенскай губерні (цяпер Махроўскага сельсавета Іванаўскага раёна Брэсцкай вобласці) у сялянскай сям’і. Да вайны Сяргей скончыў 5 класаў польскай школы, а ў 1941 г. — 6 класаў савецкай школы. Падчас нямецка-фашысцкай акупацыі жыў у в. Вулька-Махроўская і хутарах в. Баландзічы, у 1943 г. родную вёску немцы спалілі (24 жылых і 35 гаспадарчых будынкаў, загубілі 5 чалавек).